बार्सिलोनाको मुख्य प्रशिक्षकमा जाभी हर्नान्डेज नियुक्त

काठमाडौँ – स्पेनिस फुटबल क्लब बार्सिलोनाको मुख्य प्रशिक्षकमा जाभी हर्नान्डेज नियुक्त भएका छन् ।

बार्सिलोनाले रोनाल्ड कोयम्यानलाई बर्खास्त गरेर मुख्य प्रशिक्षकका लागि जाभीलाई नियुक्त गरेको हो । यसभन्दा पहिले जाभीले खेलाडीको रुपमा १७ वर्ष बार्सिलोनाको लागि खेल्दै सन् २०१५ मा क्लब छाडेका थिए । ४१ वर्षीय जाभीले खेलाडीको रुपमा बार्सिलोनालाई आठ पटक ला लिगा र चार पटक च्याम्पियन्स लिगको उपाधि जिताएका थिए ।

उनले सन् २०१० मा स्पेनलाई विश्वकपको उपाधिका साथै दुई पटक युरोपियन च्याम्पियनसिप जिताएका थिए ।