देशभर ४४७ संक्रमित थपिए, सात जनाको मृत्यु

काठमाडौँ – पछिल्लो २४ घण्टामा ४४७ जनामा कोरोनाभाइरसको संक्रमण पुष्टि भएको छ । ९ हजार ९१३ को कोरोना परीक्षण गर्दा पीसीआर विधिबाट ३९५ र एन्टिजेन विधिबाट ५२ जनामा कोरोना पुष्टि भएको हो । पछिल्लो २४ घण्टामा देशभर थप सात जनाको मृत्यु भएको छ । योसँगै नेपालमा कारोनाले ज्यान गुमाउनेको कुल संख्या ११ हजार ४३४ पुगेको छ ।

त्यस्तै आज थप ४३९ जना संक्रमणमुक्त भएका छन् । हाल सम्म कोरोनामुक्त हुनेको संख्या सात लाख ९३ हजार २७१ रहेको छ । नेपालका हाल सक्रिय संक्रमित ९ हजार १२३ रहेका छन् ।