देशभर ४६९ संक्रमित थपिए, ११ जनाको मृत्यु

काठमाडौँ – पछिल्लो २४ घण्टामा ४६९ जनामा कोरोनाभाइरसको संक्रमण पुष्टि भएको छ । १० हजार २८७ को कोरोना परीक्षण गर्दा पीसीआर विधिबाट ४२२ र एन्टिजेन विधिबाट ४७ जनामा कोरोना पुष्टि भएको हो । पछिल्लो २४ घण्टामा देशभर थप ११ जनाको मृत्यु भएको छ । योसँगै नेपालमा कारोनाले ज्यान गुमाउनेको कुल संख्या ११ हजार ४२७ पुगेको छ ।

त्यस्तै आज थप ५५५ जना संक्रमणमुक्त भएका छन् । हाल सम्म कोरोनामुक्त हुनेको संख्या सात लाख ९२ हजार ८३२ रहेको छ । नेपालका हाल सक्रिय संक्रमित ९ हजार १७४ रहेका छन् ।