देशभर ५३३ संक्रमित थपिए, नौ जनाको मृत्यु

काठमाडौँ – पछिल्लो २४ घण्टामा ५३३ जनामा कोरोनाभाइरसको संक्रमण पुष्टि भएको छ । ११ हजार ६६४ को कोरोना परीक्षण गर्दा पीसीआर विधिबाट ४४१ र एन्टिजेन विधिबाट ९२ जनामा कोरोना पुष्टि भएको हो । पछिल्लो २४ घण्टामा देशभर थप नौ जनाको मृत्यु भएको छ । योसँगै नेपालमा कारोनाले ज्यान गुमाउनेको कुल संख्या ११ हजार ४१६ पुगेको छ ।

त्यस्तै आज थप ४९० जना संक्रमणमुक्त भएका छन् । हाल सम्म कोरोनामुक्त हुनेको संख्या सात लाख ९२ हजार २७७ रहेको छ । नेपालका हाल सक्रिय संक्रमित ९ हजार ३१८ रहेका छन् ।