५१३ संक्रमित थपिए,आठ जनाको मृत्यु

काठमाडौँ – पछिल्लो २४ घण्टामा नेपालमा ५१३ जना कोरोना संक्रमित थपिएका छन् । देशभर गरिएको ४ हजार ९७२ पीसीआर परीक्षणमा ४३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले शनिबार जानकारी दिएको छ ।

यस्तै १ हजार ९५९ एन्टिजेन परीक्षणमा ७५ जनामा संक्रमण पुष्टि भएको छ । त्यस्तै, २४ घण्टामा थप ८१७ जना संक्रमणमुक्त भएका छन् नेपालमा कोरोना संक्रमणबाट थप ८ जनाको मृत्यु भएको छ । हालसम्म कोरोनाबाट मृत्यु हुनेको संख्या ११ हजार ३४५ पुगेको छ । सक्रिय संक्रमितको संख्या १० हजार ५५९ रहेको छ भने २२२ जना क्यारेन्टाइनमा रहेको स्वास्थ्य मन्त्रालयले जनाएको छ । त्यस्तै, २४ घण्टामा ६३ हजार ७४ जनाले खोप लगाएका छन् ।