अमेरिकी पूर्वविदेशमन्त्री कोलिन पावेलको ८४ वर्षको उमेरमा निधन

काठमाडौँ – अमेरिकाका पूर्वविदेशमन्त्री कोलिन पावेलको ८४ वर्षको उमेरमा आज निधन भएको छ । कोभिड–१९ को संक्रमणको कारण उनको निधन भएको उनका परिवारले बताएका छन् ।

पावेल सन् २००० मा जर्ज डब्ल्यू बुसको पालामा अमेरिकाको विदेशमन्त्री बनेका थिए । सोमबार परिवारले विज्ञप्ति जारी गर्दै पावेलको निधन भएको पुष्टि गरेको हो । उनी सन् २००२ जनवरीमा नेपाल भ्रमणमा आएका थिए । पाकिस्तान र भारतको भ्रमण सकेर उनी काठमाडौं आएका थिए । नेपाल भ्रमणमा आउने उनी एकमात्र बहालवाला अमेरिकी विदेशमन्त्री हुन् ।