छुट्टाछुट्टै दुर्घटनामा तीन जनाको मृत्यु

काठमाडौँ – मकवानपुर र बैतडीमा भएको दुर्घटनामा तीन जनाको मृत्यु भएको छ । मकवानपुरमा टाटा सुमो दुर्घटना हुँदा दुईजनाको मृत्यु भएको छ भने ८ जना घाइते भएका छन् ।

काठमाडौँबाट वीरगञ्जतर्फ जाँदै गरेको ना १ ज ४५११ नम्बरको टाटासुमो इन्द्रसरोवर गाउँपालिका–२ लामाबगरमा दुर्घटना हुँदा दुई जनाको घटनास्थलमै मृत्यु भएको छ । मृत्यु हुनेमा काठमाडौं महानगरपालिका–१६ का ६२ वर्षीय विष्णुलाल श्रेष्ठ र पर्सा पोखरीया–७ का ४५ वर्षीय राम सहनीको रहेको जिल्ला प्रहरी कार्यालय मकवानपुरले जनाएको छ । यस्तै, बैतडीमा ट्याक्टर दुर्घटना हुँदा चालकको मृत्यु भएको छ । मृत्यु हुनेमा डिलाशैनी गाउँपालिका– ३ पंसेराका २३ वर्षका योगेश पाल रहेको प्रहरीले जनाइको छ ।