हात्तीको आक्रमणबाट एकको मृत्यु

काठमाडौँ – बर्दियामा हात्तीको आक्रमणबाट एक जनाको मृत्यु भएको छ। गेरुवास्थित कर्णाली नदी किनारा खैरी बस्ने ३५ वर्षीय बेचन दहितको आक्रमणका कारण मृत्यु भएको हो ।

जिल्ला प्रहरी कार्यालयका प्रहरी नायब उपरीक्षक हेमबहादुर शाहीका अनुसार उनको शव बिहान फेला परेको हो । राजापुर नगरपालिका–१० कोठियाघाटबाट एक किलोमिटर टाढा रहेको बाटोमा दहितलाई शनिबार राति घर फर्किंदै गर्दा हात्तीले आक्रमण गरेको थियो।