इटालीको अपराजित यात्रामा पूर्णविराम,स्पेन फाइनलमा

काठमाडौँ – स्पेन यूईएफए नेसन्स लिग फुटबलको फाइनलमा प्रवेश गरेको छ ।
गएराति भएको खेलमा १० खेलाडीमा सिमित इटालीलाई २–१ गोल अन्तरले पराजित गर्दै स्पेन फाइनलमा पुगेको हो । स्पेनलाई जित दिलाउन फेरान टोरेसले दुई गोल गरे । इटालीका लोरेन्जो पेल्लिग्रिनीले एक गोल फर्काएका थिए ।

स्पेनसँग पराजित भएसँगै इटालीको ३७ खेलको अपराजित यात्रामा पूर्णविराम लागेको छ । सन् २०१८ को विश्वकपमा छानिन असफल भएपछि त्यसयताका खेलमा इटाली अपराजित रहँदै आएको थियो । त्यो यात्रालाई स्पेनले तोडिदिएको छ । अब स्पेनले फाइनलमा बेल्जियम र फ्रान्सबीचको विजेतासँग खेल्नेछ ।