काठमाडौँ – प्रदेश २ मा भ्रष्टाचार बढेको भन्दै जनमत पार्टीले मुख्यमन्त्री कार्यालय घेराउ गरेको छ । प्रदेश २ मा अख्तियारको छापाविरुद्ध जनता समाजवादी पार्टी (जसपा) आन्दोलित रहेको समयमा सिके राउत नेतृत्वको जनमत पार्टीका नेता कार्यकर्ताहरुले मुख्यमन्त्री कार्यालय घेराउ गरेको हो ।
मुख्यमन्त्री कार्यालय घेराउ गर्नका लागि पुगेका जनमत पार्टीका कार्यकर्ताहरुलाई प्रहरीले मूल ढोका बाहिरै रोकेको थियो। मोटरसाइकल जुलुस सहित मुख्यमन्त्री कार्यालय घेराउ गर्नका लागि पुगेका कार्यकर्ताहरुले मुख्यमन्त्रीविरुद्ध नाराबाजी गरेका थिए।
मुख्यमन्त्री कार्यालय घेराउ गर्न पूर्व उनीहरुले जनकपुरधाम उपमहानगरपालिकामा तोडफोड गर्दै तालाबन्दी गरेका थिए। विभिन्न माग राख्दै जनकपुरधाम उपमहानगरपालिका पुगेका जनमत पार्टीका कार्यकर्ताहरुलाई उपमहानगर परिसरमा प्रवेश गर्न नदिइएपछि नारावाजी गर्दै नगरपालिकामा तोडफोड गरेका हुन् ।
प्रतिक्रिया