एभरेष्ट प्रिमियर लिगमा भैरहवा ग्ल्याडियटर्सको सहज जित, चितवन टाइगर्स ६ विकेटले पराजित

काठमाडौँ – एभरेष्ट प्रिमियर लिग (इपिलए)मा भैरहवा ग्ल्याडियटर्सले सहज जित निकालेको छ । टियु मैदानमा भएको खेलमा भैरहवाले चितवन टाइगर्सलाई ६ विकेटले पराजित गरेको हो । चितवनले दिएको १६५ रनको लक्ष्य भैरहवाले १७.५ओभरमा ४ विकेट गुमाउँदै पुरा गर्यो । जारी प्रतियोगितामा चितवनको भने यो पहिलो पराजय हो ।

अघिल्ला चार खेल जितेर ८ अंक जोडेको चितवन अंक तालिकाको शीर्ष स्थानमा यथावत छ । चितवन क्वालिफायरमा पुगिसकेको छ । तीन जितबाट ६ अंक बटुलेको भैरहवा दोस्रो स्थानमा उक्लिएको छ । अहिले पोखरा राइनोज र काठमाडौं किङ्ज एलाभेनबीच प्रतिष्पर्धा भैरहेको छ ।