देशभर ६७९ संक्रमित थपिए, सात जनाको मृत्यु

काठमाडौँ – पछिल्लो २४ घण्टामा ६७९ जनामा कोरोनाभाइरसको संक्रमण पुष्टि भएको छ । १० हजार ९२० को कोरोना परीक्षण गर्दा पीसीआर विधिबाट ५६४ र एन्टिजेन विधिबाट १०५ जनामा कोरोना पुष्टि भएको हो ।

पछिल्लो २४ घण्टामा थप सात जनाको मृत्यु भएको छ । योसँगै नेपालमा कारोनाले ज्यान गुमाउनेको कुल संख्या ११ हजार १६४ पुगेको छ । त्यस्तै आज थप १ हजार ४०५ जना संक्रमणमुक्त भएका छन् । हाल सम्म कोरोनामुक्त हुनेको संख्या सात लाख ६९ हजार २२४ रहेको छ । नेपालका हाल सक्रिय संक्रमित १६ हजार ८०४ रहेका छन् ।