फेरि एकपटक आफूलाई सावित गर्दै रोनाल्डो,क्लबलाई जित दिलाउन सफल

फेरि एककाठमाडौँ – च्याम्पियन्स लिग फुटबलमा म्यानचेस्टर युनाइटेड विजयी भएको छ । क्रिष्टियानो रोनाल्डोले इन्जूरी समयमा निर्णायक गोल गर्दै युनाइटेडले भिल्लारियलमाथि २–१ को पुनरागमन जित हासिल गरेको छ ।

गएराति भएको समूह एफको खेलमा १–० ले पछि परेको अवस्थामा युनाईटेडले नतिजा उल्टाउँदै जित हात पारेको हो । म्यानचेस्टरका लागि एलेक्स टेलेक्सले खेलको ६० औं मिनेटमा गोल गरेका थिए । खेलको ५३ औं मिनेटमा पाको अल्कासरको गोलमा भिल्लारियलले अग्रता लिए पनि त्यसलाई जोगाउन सकेन । बराबरी तर्फ उन्मुख खेलको दोस्रो हाफको इन्जूरी समयमा रोनाल्डोले गोल गरेपछि युनाइटेड २–१ गोलको पुनरागमन जित दर्ता गर्न सफल भयो । उनले जेसे लिंगार्डको पासमा गोल गरेका हुन ।

यो जितसँगै युनाइटेडले भिल्लारियलसँग बदला लिएको छ । गत सिजन युरोपा लिगको फाइनलका हारेको बदलाका लिएको छ । युरोपा फाइनलमा भिल्लारियलले पेनाल्टीमा युनाइटेडमाथि जित निकालेको थियो ।

यस्तै, गएराति भएकै खेलमा बार्यन म्युनिखले सानदार जित निकालेको छ । बार्यन म्युनिखले डाइनामो किभलाई ५–० गोल अन्तरले पराजित गर्यो । यस्तै, जेनिट सेन्ट पिटरबर्गले माल्मो एफएफलाई ४–० गोल अन्तरले पराजित गर्दा मेसीले छोडेको बार्सिलोना भने बेनेफिकासँग ३–० ले हार्न पुगेको छ । च्याम्पियन लिगमा बार्साको यो लगातार दोस्रो हार हो । यसअघि बार्यनसँग पनि ३–० ले पराजित भएको थियो ।

यस्तै, आरबी लाइवजिकले लिलिलाई २–१ गोल अन्तरले हराउँदा चेल्सी युभेन्टससँग १‍–० ले पराजित भएको छ । एटलान्टाले योंग ब्वाइजलाई १–० गोलले अन्तरले हराएको छ । वुल्स्बर्ग र सेभिल्लाले भने १–१ गोल गर्दै बराबरी खेलेका छन् ।