वर्षाको कारण ईपीएलको आजको खेल पनि प्रभावित

काठमाडौँ – एभरेष्ट प्रिमियर लिग क्रिकेट (ईपीएल) अन्तर्गतको आज हुने भनिएको पोखरा राइनोज र काठमाडौं किंग्स इलाभेनको खेल पनि ढिला गरी सुरु हुने भएको छ ।

सवा १२ बजेका लागि तय खेलमा अहिलेसम्म टस समेत हुनसकेको छैन। कीर्तिपुरस्थित त्रिवि क्रिकेट मैदानमा खेलका लागि दुवै टोली पुगे पनि ओसिलो आउट फिल्डका कारण खेल हुन ढिलाइ भएको हो ।

मैदानको आउट फिल्ड सुकाउनका लागि मैदान कर्मचारीले भरपूर प्रयास गरिरहेका छन् । यद्दपी काठमाडौंमा वर्षा जारी रहेकोले आजको खेलमा पनि अंक बाड्ने सम्भावना बढेको छ ।