काठमाडौँ – मैत्रीपूर्ण फुटबलमा नेपाल र ओमानबीच आज प्रतिष्पर्धा हुँदै छ । नेपाली राष्ट्रिय फुटबल टोलीले ओमानविरुद्ध दोहास्थित कतार युनिभर्सिटीको मैदानमा प्रतिस्पर्धा गर्ने छ । खेल नेपाली समयअनुसार राति पौने १० बजे सुरु हुने छ ।
साफ च्याम्पियनसिपको तयारीका लागि नेपालले ओमानसँग मैत्रीपूर्ण खेल खेल्न लागेको हो । साफको तयारीका लागि नेपाली टोली कतारमा रहेका छन् । यसअघि नेपालले घरेलु मैदानमा भारतसँग दुई मैत्रीपूर्ण खेल खेलेको थियो । जसमा नेपालले एक बराबरी र एक हार व्यहोरेको थियो । नेपाली टोली कतारबाटै साफका लागि माल्दिभ्स जाने छ ।
साफ च्याम्पियनसिप आगामी असोज असोज १५ देखि ३० गतेसम्म माल्दिभ्समा हुँदै छ । नेपालले आयोजक माल्दिभ्ससँग पहिलो खेल खेल्ने छ ।
प्रतिक्रिया