काठमाडौँ –एएफसी महिला एसियन कप छनोटको दोस्रो खेलमा नेपालले आज हङकङसँग प्रतिस्पर्धा गर्दै छ । उज्वेकिस्तानको जेएआर स्टेडियममा नेपाल र हङकङबीचको खेल नेपाली समय अनुसार दिउँसो पौने ४ बजे सुरु हुने छ ।
एसियन कपमा छनोट हुने लक्ष्य लिएको नेपाली टोली हङकङविरुद्ध जित निकाल्ने योजनासहित मैदान उत्रने छ । एसियन कपमा छनोट हुने सम्भावना कायम राख्न नेपाललाई हङकङविरुद्ध जित्नै पर्ने दबाब रहेको छ । समूह एफमा रहेको नेपाल पहिलो खेलमा फिलिपिन्ससँग २–१ ले पराजित भएको थियो ।
यस समूहको शीर्ष टोलीले अर्को वर्ष भारतमा हुने एसियन कप खेल्ने छ । एसियन कप जनवरी २० देखि फेब्रुअरी ६ सम्म हुनेछ ।
प्रतिक्रिया