स्थगित आईपीएल आजबाट पुन: सुरु

काठमाडौँ – यस संस्करणको स्थगित भएको इन्डियन प्रिमियर लिग (आईपीएल) आजबाट फेरि युनाईटेड अरव इमिरेट्स(युएई) सुरु हुँदै छ । गत मे २ मा दिल्ली क्यापिटल्स र पंजाब किंग्सबीचको खेल पछि स्थगित भएको आईपीएलमा आज चेन्नइ सुपर किंग्स र मुम्बई इण्डियन्सले खेल्दै आईपीएलको पुन सुरुवात हुन लागेको हो । यी दुईको खेल बेलुकी पौने ८ बजे दुबई इन्टरनेशनल क्रिकेट स्टेडियममा हुनेछ ।

भारतमा कोभिड–१९ को बढ्दो संक्रमणका कारण स्थगित गरिएको आईपीएलमा जम्मा ६० खेल खेल्नु पर्नेमा अहिले सम्म २९ वटा खेल सम्पन्न भइसकेको छ। अब सिजनको ३१ खेलबाँकी छन्। जुन २७ दिन भित्र सम्पन्न भइसक्ने छ। प्रतियोगिताका खेलहरु सारजाह, अबुधावी र दुबईमा हुनेछन्। यसअघी बन्द रंगशालामा प्रतियोगिता आयोजन गरिएकोमा यसपटक सीमित संख्यामा दर्शकलाई अनुमति दिने बताइएको छ।

हालको स्थितिमा जारी आईपीएलको अंक तालिका यस्तो छ ।