देशभर नौ सय ९४ संक्रमित थपिए, १२ जनाको मृत्यु

काठमाडौँ – पछिल्लो २४ घण्टामा नौ सय ९४ जनामा कोरोनाभाइरसको संक्रमण पुष्टि भएको छ । ६ हजार १३७ को कोरोना परीक्षण गर्दा पीसीआर विधिबाट ७७७ र एन्टिजेन विधिबाट गर्दा २१७ मा कोरोना पुष्टि भएको हो ।

पछिल्लो २४ घण्टामा थप १२ जनाको मृत्यु भएको छ । योसँगै नेपालमा १० हजार ९३६ जनाको मृत्यु भइसकेको छ । त्यस्तै आज थप १ हजार ३६८ जना संक्रमणमुक्त भएका छन् । योसँगै सात लाख ३८ हजार ३४ कोरोनामुक्त भएका छन् ।

नेपालका हाल सक्रिय संक्रमितको संख्या २७ हजार ३५५ रहेका छन् ।