नेपालमा पर्यटकको संख्या बढ्न थाल्यो,आठ महिनामा करिब ६७ हजारको आगमन

काठमाडौँ – २०२१ सुरु भएदेखिको अहिलेसम्म झण्डै ६७ हजार विदेशी पर्यटक नेपाल आएको नेपाल पर्यटन बोर्डले जनाएको छ । बितेको आठ महिनामा ६६ हजार नौ सय ६६ जना विदेशी पर्यटक नेपाल आएको बोर्डको डाटाले देखाएको छ ।

विश्वभर कोरोनाको त्रास रखे पनि नेपाल घुम्न आउने संख्या भने बढ्न थालेको छ । विशेष गरी धेरै जसो पर्यटक हिमाल आरोहण र हिमाली पदयात्राका लागि नेपाल आउने गरेको बोर्डका प्रवक्ता मणि लामिछानेले बताउनुभयो ।