रोनाल्डो म्यानचेष्टर युनाइटेडमा अनुबन्धित

काठमाडौँ – पोर्चुगलका स्टार खेलाडी क्रिस्टियानो रोनाल्डो आफ्नो पुरानो क्लब म्यानचेस्टर युनाइटेड फर्कने पक्का भएको छ ।रोनाल्डोलाई अनुबन्ध गर्नका लागि इंग्लिस क्लब युनाइटेड र इटालियन क्लब युभेन्टसबीच सहमति भएसँगै रोनाल्डो युनाइटेड फर्कने पक्का भएको हो ।

रोनाल्डोलाई आफ्नो क्लबमा अनुबन्धन गरेको युनाइटेडले आफ्नो आधिकारिक ट्विटरमार्फत पुष्टि गरिसकेको छ ।अब रोनाल्डोसँग व्यक्तिगत सम्झौता, स्वास्थ्य परिक्षण र भिसा प्रक्रियापछि रोनाल्डो औपचारिक रुपमा युनाइटेडमा अनुबन्धित हुनेछन् । रोनाल्डो र युनाइटेडबीच व्यक्तिगत सहमतिका लागि पनि छलफल भइसकेको बुझिएको छ ।