लिभरपुलको लगातर दोस्रो जित, अंक तालिकाको शीर्षस्थानमा

काठमाडौँ – इंग्लिस प्रिमियर लिग (ईपीएल)मा आज भएको खेलमा लिभरपुल विजयी भएको छ । केहीबेर अगाडी भएको खेलमा लिभरपुलले बर्नलीलाई २–० गोलअन्तरले पराजित गर्दै लगातार दोस्रो जित हात पारेको हो ।

लिभरपुलको घरेलु मैदान एनफिल्डमा भएको खेलमा लिभरपुललाई जिताउन डिएगो जोटा र साडियो मानेले एकएक गोल गरेका थिए । लिभरपुललाई सुरुवाती अग्रता दिलाउने क्रममा जोटाले १८ औं मिनेटमा हेडमार्फत् गोल गरे । मानेले ६९ औं मिनेटमा नजिकको दूरीबाट शक्तिशाली प्रहार गर्दै दोस्रो गोल थपे ।

योर्गन क्लोपको टिम लिभरपुलले दोस्रो हाफभरी नै बलियो पकड जमाएपनि थप कुनै गोल गर्न नसक्दा दुई शून्यले जित हात पार्न सफल भयो । जितसँगै लिभरपुल अंकतालिकाको शीर्षस्थानमा उक्लिएको छ । उसले दुई खेलमा स्पष्ट जित निकाल्दै ६ अंकसहित शीर्षस्थानमा उक्लिएको हो । लिभरपुलले पहिलो खेलमा नरविच सिटीलाई हराएको थियो ।