साविक विजेता सिटी टोटेनहमसँग पराजित

काठमाडौँ – इंग्लिस प्रिमियर लिग (ईपीएल) फुटबलमा साविक विजेता म्यानचेस्टर सिटी पराजित भएको छ । गएराति भएको खेलमा सिटी टोटेनहमसँग १–० गोल अन्तरले पराजित भएको हो ।

घरेलु मैदानमा टोटेनहमलाई जित दिलाउन ह्युङ मिन सनले निर्णायक गोल गरे । पहिलो हाफ गोलरहित बराबरीमा सकिएको खेलको ५५औं मिनेटमा सनले डि एरियाभन्दा बाहिरबाट उत्कृष्ट निर्णायक गोल गरेका हुन् । स्टिभीनको पासमा सनले पेनाल्टी बक्स बाहिरबाट उत्कृष्ट गोल गरेका थिए । यस जितसँगै टोटेनहमले पहिलो खेलमै महत्वपूर्ण ३ अंक जोडेको छ । सिटीले भने हारबाट सिजनको सुरुवात गरेको छ ।