बार्सिलोनाबाट बिदा भएका मेसी २ वर्षका लागि पिएसजीमा अनुबन्धित

काठमाडौँ – बार्सिलोनाबाट बिदा भएका अर्जेटिनी खेलाडी लियोनेल मेसी फ्रेन्च क्लब पिएसजीमा आवद्ध भएका छन् । पिएसजीले राखेको प्रस्तावमा सहमति जनाउँदै उनी दुई वर्षका लागि सम्झौता गर्न लागेका हुन् ।

अन्तर्राष्ट्रिय समाचार संस्थाका अनुसार ३५ मिलियन युरोमा उनी पिएसजी भित्रिएका हुन् । पिएसजीले अब चाँडै मेसीलाई औपचारिक रुपमा सार्वजनिक गर्नेछ । बार्सिलोनामा १७ वर्ष बिताएपछि मेसीले आइतबार क्लब छोडेका थिए ।

आर्थिक र संरचनागत अवरोधका कारणले ३४ वर्षीय मेसी क्लबमा बस्न नसक्ने भएको बार्सिलोनाको भनाइ थियो । १३ वर्षको उमेरमा बार्सिलोनामा आवद्ध भएका मेसीको पछिल्लो पटक भएको सम्झौता गत जुनमा सकिएको थियो ।