कोरोनाको ग्राफ उकालो लाग्यो : ३ हजार ३८३ संक्रमित थपिए, २४ जनाको मृत्यु

काठमाडौँ –पछिल्लो २४ घण्टामा ३ हजार ३८३ जनामा कोरोनाभाइरसको संक्रमण पुष्टि भएको छ । १६ हजार ७१८ जनाको कोरोना परीक्षण गर्दा पीसीआर विधिबाट २ हजार ४४८ जना र एन्टिजेन विधिबाट ९३५ जनामा संक्रमण पुष्टि भएको हो ।

पछिल्लो २४ घण्टामा थप २४ जनाको मृत्यु भएको छ । योसँगै नेपालमा ९ हजार ९२२ जनाको मृत्यु भइसकेको छ । त्यस्तै आज थप १ हजार ९९४ जना संक्रमणमुक्त भएका छन् । नेपालमा हाल सक्रिय संक्रिमितको संख्या ३२ हजार ५९ रहेको छ ।