राष्ट्रिय फुटबल टिमका खेलाडीसहित २० जनालाई कोरोना पुष्टि

काठमाडौँ – नेपाली राष्ट्रिय फुटबल टिमका खेलाडी र अफिसियल गरि २० जनालाई कोरोना संक्रमण देखिएको छ ।

राष्ट्रिय टिमको बन्द प्रशिक्षण सुरु हुनु अघि गरिएको परिक्षणमा उनीहरुमा कोरोना पोजेटिभ देखिएको अखिल नेपाल फुटबल संघ (एन्फा) ले जनाएको छ । एन्फाका अनुसार कोरोना देखिएका खेलाडी र अफिसियल होम आईसोलेसनमा छन् । ठुलो संख्यामा खेलाडी र अफिसियलमा कोरोना संक्रमण देखिएपछि एन्फाले बन्द प्रशिक्षण एक साताका लागि स्थगित गरेको छ ।

एन्फाले आजबाट टिममा बन्द प्रशिक्षण सुरु हुने बताएको थियो । साफ च्याम्पियनसिप र एसियन कप छनोट अन्तर्गत फाइनल चरणको छनोटका लागि ५० खेलाडीलाई प्रशिक्षणमा बोलाएको हो ।