कोरोनाको ग्राफ उकालो लाग्यो: ३ हजार ४२१ संक्रमित थपिए, २५ जनाको मृत्यु

काठमाडौँ – पछिल्लो २४ घण्टामा देशभर ३ हजार ४२१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार १२ हजार २४० जनामा गरिएको पीसीआर परीक्षणमा २ हजार ३९१ र ५ हजार ३२ जनामा गरिएको एन्टिजेन परीक्षणमा १ हजार ३० जना गरी ३ हजार ४२१ जनामा संक्रमण पुष्टि भएको हो ।

पछिल्लो २४ घण्टामा कोरोना भाइरस संक्रमणमुक्त हुनेको संख्या १ हजार ६८६ रहेको छ । मन्त्रालयले दिएको जानकारी अनुसार देशभर गरी थप २५ जनाको मृत्यु भएको छ । योसंगै कोरोनाले ज्यान गुमाउनेको कुल संख्या ९ हजार ७३८ पुगेको छ ।