काठमाडौँ – कोरोना संक्रमण बढेको भन्दै झापाको दमक नगरपालिकाले साउन ११ गते बिहान ४ बजेदेखि साउन १७ गते मध्यराति १२ बजेसम्म नगरपालिका क्षेत्रभित्र निषेधाज्ञा गर्ने भएको छ । नगरपालिकाले आज एक विज्ञप्तिमार्पत यसबारे जानकारी दिएको हो ।
‘दमक नगरपालिका क्षेत्रभित्र कोरोना भाइरस संक्रमण फैलदो क्रममा रहेको हुँदा मिति२०७८ साउन११ गते बिहान ४ बजेदेखि २०७८ साउन १७ गते मध्य राति १२ बजेसम्म नगरपालिका क्षेत्रभित्र निषेधाज्ञा लागू गरिएको सम्बन्धित सबैमा हार्दिक अनुरोध छ ।’ विज्ञप्तिमा उल्लेख गरिएको छ ।
यस्तै नगरपालिकाले अनुमति नलिइ अत्यावश्यक काक बाहेक घरबाट बाहिर ननिस्किन आग्रह गरेको छ भने व्यापार, व्यावसाय, उद्योग कलकारखाना, शिक्षण संस्था, सम्पूर्ण वित्तीय संस्था र सबै प्रकारका सावारी साधन पूर्णरुपले बन्द हुनेछन् ।
प्रतिक्रिया