काठमाडौँ – नेपाली लोक गायन क्षेत्रका उम्दा गायक हुन् भागिरथ चलाउने । समय र परिस्थितिलाई काबुँमा राखेर सिर्जना गर्न माहिर छन् । सिर्जना गर्ने मात्रै होइन, जुन गीतमा आवाज दिन्छन् दर्शकको मनमा बसिहाल्छन् ।
यसैकारण गायक चलाउनेलाई मन पराउनेहरुको भीड आज गजबको छ । त्यसमा पनि युवतीहरु बढी उनको फ्यान छन् । गायक चलाउनेले महिलाहरुको विशेष पर्व हरितालिका तीजमा गीत नल्याउने त झन कुरै भएन । तीजलाई लक्षित गरि उनले ‘थोपडाले धोका दियो बरिलै’ बोलको गीत बजारमा ल्याएका छन् । जुन सार्वजनिक भएको छोटो समयमै युवटुव ट्रेडिण्डमा छाएको छ । सात लाख बढीले हेरिसकेका छन् ।
गीतमा गायक चलाउनेका अलवा गायिका सुनिता बुढा क्षेत्रीको स्वर सुन्न सकिन्छ । चलाउनेको आफ्नै युवटुव च्यानलबाट सार्वजनिक गरिएको गीतमा उनको आफ्नै संगीत छ भने रामु पोर्तेलले रचना गरेका छन् । प्रकाश भट्टले निर्देशन गरेको गीतमा गायक चलाउने र लोकप्रिय मोडल करिश्मा ढकालको अभिनय छ ।
प्रतिक्रिया