युरोकप फुटबलको फाइनलमा इंग्ल्यान्ड र इटाली भिड्दै

काठमाडौँ – जारी १६औँ संस्करणको युरोकप फुटबलको फाइनल खेल आज राति हुँदैछ ।
वेम्बली स्टेडियमा हुने फाइनलमा इंग्ल्यान्ड र इटालीले प्रतिस्पर्धा गर्नेछन् । फाइनल खेल राति पौने १ बजे सुरु हुनेछ । इंग्ल्यान्डले पहिलो पटक युरोकपको फाइनल खेल्न लागेको हो । एक पटकको च्याम्पियन इटाली भने चौंथो पटक फाइनल खेल्दै छ । दुबै टोलीका मुख्य प्रशिक्षकले उपाधि जित्न तयार रहेको बताएका छन् । इटालीका मुख्य प्रशिक्षक रोबर्टो मान्सिनीले यस उपाधिका लागि लामो समयबाट काम गरिरहेको बताए । इंग्ल्यान्डका मुख्य प्रशिक्षक ग्यारेथ साउथगेट इटालीको अवरोध हटाएर इतिहास रच्ने योजना रहेको बताएका छन् ।