नेपाल वायुसेवा निगममा कर्मचारीले लगाएको ताला प्रहरीले खुलायो

काठमाडौँ – नेपाल वायुसेवा निगमलाई कम्पनी संरचना लिएर सञ्चालन गर्ने निर्णय भएपछि विरोधमा उत्रिएका कर्मचारीहरुले गरेको तालाबन्दी प्रहरीले खुलाएको छ । सरकारले बजेटमा गरेको घोषणाअनुसार कम्पनी संरचनामा चलाउनका लागि आवश्यक विनियमावलीको मस्यौदा बनाएर मन्त्रालयमा पेस भएपछि विरोधमा उत्रिएका कर्मचारीहरुले महाप्रबन्धकको कार्यकक्षमा तालाबन्दी गरेका थिए ।

कर्मचारीको तालाबन्दीबाट अत्यावश्यक काम रोकिएको भन्दै संस्कृति पर्यटन तथा नागरिक उड्डयन मन्त्रालयले तालाबन्दी खुलाइदिन गृहमन्त्रालयमा पत्राचार गरेको थियो । पर्यटनको उक्त पत्राचारपछि मंगलबार नेपाल प्रहरीले ताला खुलाएको छ ।