कोरोनाका कारण एएफसी फुटसल एसियन छनोट कप सर्यो

काठमाडौँ – अक्टोबरमा हुने भनिएको एएफसी फुटसल एसियन कप छनोट प्रतियोगिता धकेलिएको छ । नेपालले सहभागिता जनाउने एसियन फुटबल कन्फेडेरेसन (एएफसी) ले आज अक्टोबरमा तय भएको छनोट प्रतियोगिता सरेको जनाएको हो ।

छनोट खेल अक्टोबर १३ देखि २४ सम्म हुने तालिका रहेको थियो । तर, कोरोना महामारीको कारण छनोट सारिएको एएफसीले जनाएको छ । अब एएफसीले छनोट प्रतियोगिता २०२२ को अप्रील १ देखि १५ सम्म हुने जनाएको छ ।