पम्फा भुसाललाई मातृ शोक

काठमाडौँ – नेकपा माओवादी केन्द्रकी स्थायी कमिटी सदस्य पम्फा भुसाललाई मातृशोक परेको छ । भुसालकी आमा इन्द्रकला भुसालको ९३ वर्षको उमेरमा सोमवार बिहान कुसुन्तीस्थित निवासमा निधन भएको हो ।

प्रतिनिधि सभाका सभामुख अग्नि सापकोटा, माओवादी केन्द्रका अध्यक्ष पुष्पकमल दाहाल प्रचण्डलगायतका नेताले पशुपति आर्यघाटमा गएर श्रद्धाञ्जली व्यक्त गरेका छन् । भुसालकी आमा लामो समयदेखि बिरामी थिइन् । उनले बिरामी आमाको रेखदेख गर्दै आएकी थिइन् ।

स्वर्गीय भुसालको सोमवार नै पशुपति आर्यघाटमा अन्तिमसंस्कार गरिएको छ । स्वर्गीय भुसालका ५ छोरी र एक छोरा छन् ।