यसवर्षको रोड सेफ्टी मिडिया अवार्ड अटो नेपाल म्यागेजिनलाई

काठमाडौँ – नेपाल अटोमोबाइल्स एसोसिएसन (नासा नेपाल) र नासा फाउन्डेसनले संयूक्त रुपमा रोड सेफ्टी मिडिया अवार्ड प्रदान गरेको छ ।

नासा नेपाल र नासा फाउण्डेसनले हरेक दुई वर्षमा प्रदान गर्ने उक्त अवार्ड यो वर्ष “अटो नेपाल” म्यागेजिनलाई प्रदान गरिएको हो । नेपालको मोटर स्पोर्ट्स, अटोमोवाइल मोबिलिटी, ड्राइभ टुरिजम तथा रोड सेफ्टीको क्षेत्रमा क्रियाशील रही कलम चलाएको भन्दै उक्त म्यागेजिनलाई अवार्ड प्रदान गरिएको छ ।

अटो नेपालका प्रकाशक रोशन कुमार श्रेष्ठ र प्रबन्ध निर्देशक भुषन कुमार श्रेष्ठलाई अवार्ड साथै प्रसंंशा–पत्र तथा नगद ११ हजार १ सय ११ सहित सम्मान गरिएको छ ।