सानेपामा भारतीय नागरिकको शंकास्पद मृत्यु

काठमाडौँ – ललितपुरको सानेपामा एक जनाको शव फेला परेको छ । सानेपास्थित गुसिटोल राम मन्दिर नजिकै फ्ल्याट लिएर बस्दै आएका ५९ वर्षीय सत्यनारायण तमिलीको शव फेला परेको हो ।

दुई तले घरको दोस्रो तलमा उनको शव फेला परेको थियो । घटनास्थलमा अनुसन्धानका लागि तालिमप्राप्त कुकुरसहितको प्रहरी टोली पुगेको छ । भारतीय नागरिक सत्यनारायण न्युरोडस्थित एटलान्टिक कम्प्युटर प्रालिमा काम गर्दै आएका थिए ।

भारतीय नागरिक सत्यनारायण न्युरोडस्थित एटलान्टिक कम्प्युटर प्रालिमा काम गर्दै आएका थिए । घटनास्थलमा हम्मर पनि भेटिएको र टाउकोमा चोट देखिएकाले हत्या गरिएको हुनसक्ने प्रहरीले बताएको छ ।

उनको शव घोप्टो परेको अवस्थामा फेला परेको थियो । उनको हत्या गरिएको आशंकामा प्रहरीले अनुसन्धान अगाडि बढाएको प्रहरीले जनाएको छ ।