नेप्सेमा सामान्य अंकको गिरावट

काठमाडौँ – साताको चौथो कारोबार दिन बुधवार नेपाल स्टक एक्स्चेन्ज नेप्से परिसुचकमा सामान्य गिरावट आएको छ । नेप्से सुचक ४.१३ अंकको घटेर बन्द भएको हो । बुधवार २२० कम्पनीका १ करोड ६२ लाख ४८ हजार १०० कित्ता शेयर ६५ हजार १९२ वटा कारोबारबाट ५ अर्ब ८३ करोड ८५ लाख ५१ हजार ४३५ रुपैयाँमा खरीद बिक्री भएका छन् ।

कारोबारमा आएका ६ समुहका सूचक बढेका छन भने ७ वटा घटेका छन । बुधबार नेपाल इन्सयोरेन्सको सर्वाधिक ३० करोड ३७ लाखको शेयर कारोबारमा आएको छ । बुधबार पाँच कम्पनीको शेयरमूल्यमा सकारात्मक सर्किट लागेको छ ।

पोखरा फाइनानस, सेन्ट्रल फाइनान्स, नेपाल फाइनान्स, मल्टिपपर्स फाइनान्स, र प्रोगेशिभ फाइनान्सको शेयरमूल्यमा सकारात्मक सर्किट लागेको हो ।