काठमाडौँ उपत्यकामा संक्रमण घट्यो, थप ६५३ जनामा कोरोना पुष्टि

काठमाडौँ – पछिल्लो २४ घण्टामा काठमाडौँ उपत्यकामा थप ६५३ जनामा कोरोना भाइरसको संक्रमण पुष्टि भएको छ । उपत्यकामा पछिल्लो २४ घण्टामा थप ६५३ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

त्यसमध्ये काठमाडौँमा ४८३, ललितपुरमा ११२ र भक्तपुरमा ५८ जना संक्रमित थपिएका हुन् । मन्त्रालयका अनुसार आज मात्रै देशभर २ हजार ४०७ जना कोरोना संक्रमित थपिएका छन् भने ४६ जनाको मृत्‍यु भएको छ ।