सुन तोलमा चार सयले वृद्धि

काठमाडौँ – सुनको भाउ आज बढेको छ । सुनको भाउ तोलामा चार सय रुपैयाँले बढेको हो ।

नेपाल सुनचाँदी व्यवसायी महासङ्घले आज सुनको भाउ तोलामा ९४ हजार ९ सय रुपैयाँ तोकेको छ । हिजो सुनको भाउ तोलाको ९४ हजार ५ सय रुपैयाँ थियो । यस्तै, चाँदीको भाउ आज तोलामा १३ सय ७५ रुपैयाँ तोकिएको छ। यो हिजो भाउभन्दा १५ रुपैयाँले बढी हो ।

कोरोना महामारीका कारण भएको निषेधाज्ञाका कारण सुनको भाउ तोकिए पनि कारोबार भने प्राय ठप्प छ ।