कोरोना संक्रमितको संख्या ओरालो लाग्दै

काठमाडौँ – नेपालमा कोरोना संक्रमित हुनेको संख्या ओरालो लाग्दै छ । शनिबार थप चार हजार ४ सय ८७ व्यक्तिमा कोरोना भाइरस सङ्क्रमण देखिएको छ । योसंख्या पहिले देखिने संक्रमितको संख्या भन्दा झण्डै झण्डै आधा नै हो । संक्रमितको संख्यामा कमी आउनाका साथै संक्रमणमुक्त हुनेको संख्या पनि घट्दै भएको स्वस्थ्य मन्त्रालयको तथ्यांकले देखाउछ । नेपालमा हिजो शनिबार मात्र छ हजार ८० जना सङ्क्रमण मुक्त भएका छन् । योसहित नेपालमा चार लाख ३४ हजार ७५० जना संक्रमणमुक्त भएको छ । त्यस्तै कुल सङ्क्रमितको संख्या पाँच लाख ५३ हजार ४२२ पुगेको छ ।

शनिबार थप ११६ जना सङ्क्रमितको मृत्यु भएको छ । योसहित नेपालमा कोरोनाबाट मृत्यु हुनेको संख्या सात हजार १६३ जना पुगेको छ । स्वास्थ्य तथा जनसङ्ख्या मन्त्रालयका अनुसार देशभर सक्रिय सङ्क्रमितको सङ्ख्या एक लाख ११ हजार ५०९ रहेको छ । त्यसैगरी देशभरका कोभिड अस्पतालका आईसीयूमा एक हजार ६१४ जना र भेन्टिलेटरमा ४५७ जना सङ्क्रमित उपचाररत छन् ।