चेल्सीलाई दोस्रो पटक च्याम्पियन्स लिगको उपाधि

काठमाडौँ – इंलिस क्लब चेल्सीले दोस्रो पटक यूईएफए च्याम्पियन्स लिग फुटबलको उपाधि जितेको छ । शनिबार भएको फाइनल खेलमा चेल्सीले इंलिस क्लबकै टिम म्यानचेष्टर सिटीलाई १– ० गोलले हराउँदै उपाधि जित्न सफल भएको हो ।

पोर्चुगलको पोर्टाेमा भएको खेलमा चेल्सीलाई जित दिलाउन काइ हार्बटेजले ४२ औं मिनेटमा निर्णायक गोल गरे । पहिलो हाफको सुरुआतमा सिटीले प्रभाव छाडे पनि गोल गर्न भने चुकेको थियो । जसको फाईदा चेल्सीले उठाउँदै गोल गर्न सफल भयो ।

चेल्सीले पहिले पटक सन् २०१२ मा च्याम्पियन्स लिगको उपाधि जितेको थियो । थोमस टुचेलले चेल्सीका लागि च्याम्पियन्स लिग फुटबलको उपाधि जित्न सफल भएका हुन् ।

पहिलो पटक च्याम्पियन्स लिगको फाइनलमा पुगेको सिटी भने च्याम्पियन्स उपविजेतामा नै चित्त बुझाउनु पर्यो । पेपे ग्वार्डिवालाले पहिलो पटक म्यान्चेस्टर सिटीलाई फाइनलमा स्थान बनाए पनि उपाधि भने दिलाउन सकेनन् ।