काठमाडौँ उपत्यकामा थपिए २ हजार ७८५ कोरोना संक्रमित

काठमाडौँ – पछिल्लो २४ घण्टामा काठमाडौँ उपत्यकामा थप २ हजार ७८५ जनामा कोरोना भाइरसको संक्रमण पुष्टि भएको छ । उपत्यकामा पछिल्लो २४ घण्टामा थप २ हजार ७८५ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

त्यसमध्ये काठमाडौमा १ हजार ८०६, ललितपुरमा ६८१ र भक्तपुरमा २९८ जना संक्रमित थपिएका हुन् । मन्त्रालयका अनुसार आज मात्रै देशभर ७ हजार ४२५ जना कोरोना संक्रमित थपिएका छन् भने १८५ जनाको मृत्‍यु भएको छ ।