काठमाडौँ – साताको चौथो कारोबार दिन बुधवार नेपाली सेयर बजारमा सामान्य गिरावट आएको छ । बजार परिसूचक नेप्से ५ दशमलव ०९ अंकले ओरालो लाग्दा २ हजार ६ सय ४९ दशमलव ६० अंकमा बन्द भएको छ । बजार परिसूचकमा सामान्य गिरावट हुँदा कारोबार रकम ६ अर्ब नाघेको छ ।
१ करोड ४८ लाख ६७ हजार ९९५ कित्ता सेयर किनबेच हुँदा ६ अर्ब २१ करोड ६८ लाख १४ हजारको कारोबार भएको हो । बुधवार नेप्सेमा व्यापार, हाइड्रोपावर, वित्त कम्पनी र निर्जीवन बिमा उपसूचक उकालो लाग्दा त्यसबाहेकका सबै उपसूचकमा गिरावट भएको छ ।
बजार परिसूचकमा करेक्सन भए पनि १५ कम्पनीको सेयर मूल्यमा सकारात्मक सर्किट लागेको छ । लगानीकर्ताको रोजाइमा हाइड्रोपावर कम्पनी पर्दा सकारात्मक सर्किट लाग्नेमा अधिकांश हाइड्रोपावर कम्पनी रहेका छन् ।
प्रतिक्रिया