काठमाडौँ उपत्यकाको निषेधाज्ञा थपियो, थप कडाइ गर्ने

काठमाडौँ – काठमाडौँ उपत्यकाको निषेधाज्ञा एक साता थप गरिएको छ । साथै यो अवधिमा निषेधाज्ञा थप कडा हुने उपत्यकाका तीन जिल्लाका प्रमुख जिल्ला अधिकारीहरुको बैठकले निर्णय गरेको छ । बैठकले २९ गतेसम्म निषेधाज्ञा लम्ब्याउने निर्णय गरेको हो ।

साथै पसल खोल्ने समय बिहान ७ देखि ९ बजेसम्म मात्र कायम गरिएको छ । अत्यावश्यक कामबाहेक घर बाहिर निस्कन पनि रोक लगाउने निर्णय भएको ललितपुरका सहायक प्रमुख जिल्ला अधिकारी ललितकुमार बस्नेतले जानकारी दिनुभयो ।

उहाँका अनुसार यसअघि जारी भएका सबै पास खारेज गर्ने निर्णय समेत भएको छ । त्यसैगरि बैंक तथा वित्तीय संस्थाहरुले आफ्नो २५ प्रतिशत कार्यालय खोल्न पाउने र त्यहाँ २० प्रतिशत कर्मचारीले मात्रै काम चलाउनुपर्ने निर्णय भएको छ ।