नेपालमा थप ७ हजार २११ जनामा संक्रमण पुष्टि, २७ जनाको मृत्यु

काठमाडौँ – पछिल्लो २४ घण्टामा नेपालमा ७ हजार २११ जना कोरोना संक्रमित पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा गरिएको पीसीआर विधिबाट ७ हजार १३४ र एन्टिजेन विधिबाट ७४ जनामा संक्रमण पुष्टि भएको हो । योसँगै नेपालमा संक्रमित हुनेको कुल सख्या ३ लाख ३६ हजार ३० पुगेको छ ।

आज देशभर १ हजार ६१२ जना संक्रमित निको भई डिस्चार्ज भएका छन् । कोरोना भाइरस संक्रमणका कारण थप २७ जनाको मृत्यु भएको छ । योसँगै नेपालमा कोरोना भाइरस संक्रमणबाट मृत्यु हुनेको संख्या ३ हजार ३२५ पुगेको छ । देशभर ६७ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ ।