काठमाडौँ – पछिल्लो तीन दिनको मात्रै तथ्याङ्क हेर्ने हो भने कोरोनाका कारण ८५ जनाले ज्यान गुमाइसकेका छन् । १५ हजार ४२९ संक्रमित थपिएका छन् । एकातिर कोरोना काल थप जटिलतातर्फ उन्मुख भइरहेको छ भने अर्कातिर मुल सरोकार राख्ने स्वास्थ्य मन्त्रालय वेवास्तातर्फ उन्मुख भइरहेको छ ।
नेपालमा बिहीबार अहिलेसम्मकै धेरै ३५ जनाले कोरोना संक्रमणका कारण ज्यान गुमाए । यस्तै शुक्रवार पनि ३३ संक्रमितको मृत्यु भएको छ । पछिल्लो ३ दिनको तथ्याङ्क हेर्दा कोरोनाकै कारण ८५ जनाले ज्यान गुमाएका छन् । यस्तै संक्रमितको संख्या पनि ह्वात्तै बढेको छ । शुक्रवार मात्रै ५ हजार ७२७ जना नया संक्रमित थपिएका छन् । तीन दिनको अवधिमा १५ हजार ४२९ संक्रमित थपिएका छन् । यही अनुपातमा मृत्यु र संक्रमण दर बढे जेठ र असारमा कोरोनाले भयावह अवस्था सिर्जना गर्न सक्ने चेतावनी सरकारले समेत दिईसकेको छ । यता टेकु अस्पताल प्रशासनले भने आईसियु र भेन्टिलेरमा अब अरु विरामी भर्ना गर्न नस्कने अवस्था आईपुगेको र उपचार पद्धती जटिल भएका कारण व्यवस्थापनमा ठूलो चूनौती आइपरेको बताएको छ ।
बढ्दो संक्रमणका कारण अहिले उपत्यकाका अधिंकाश अस्पतालका वेडहरु भरिन थालेका छन । कोरोनाको ग्राफ बढ्दै जादा काठमाण्डौ उपत्यकाका अस्पतालहरुमा भेन्टिलेटर र आईसियु भरिँदै जादाँ कोरोना संक्रमितको उपचारमा समस्या देखिन थालेको हो । स्वास्थ्य तथा जनसंख्या मन्त्रालयले शुक्रवार विज्ञप्ती जारी गर्दै सरकारले स्वास्थ्य प्रणालीले थेग्नै नसक्ने गरी कोरोना संक्रमण बढेकाले अस्पताल शैया उपलब्ध गराउन नसक्ने अवस्थामा पुगेको बताएको छ ।
कोरोनाको दोस्रो लहर धेरै जटिल भएकाले यस महामारीलाई स्वयम प्रधानमन्त्री ओली, स्वास्थ्य मन्त्रालय, परराष्ट्र मन्त्रालय र स्थानीय सरकारले स्वास्थ्य क्षेत्रको व्यवस्थापनमा गम्भिर भएर नलागे आम मनेपालीले सोचेभन्दा भयंकर डरलाग्दो अवस्था नआउला भन्न सकिन्न । त्यसो त स्वास्थ्यकर्मीहरु भयमित बन्न थालेका छन् ।
स्वास्थ्य मन्त्रालयले शुक्रबार सार्वजनिक अपील जारी गर्दै उपत्यकाका तीनसहित १७ जिल्लामा कोरोना संक्रमण डरलाग्दो गरी फैलिरहेको बताएको छ । कोरोनाको दोस्रो लहरले भयावह अवस्था सिर्जना गरिसक्दा पनि सरकार भने आगामी कदमका लागि संवेदनशील भएको देखिदैन ।
प्रतिक्रिया