बूढानीलकण्ठ नगरपालिकामा एमालेका उम्मेदवार निर्वाचित

काठमाडौँ — बूढानीलकण्ठ नगरपालिकाको प्रमुख उपप्रमुखमा एमालेका उम्मेदवार निर्वाचित भएका छन् । प्रमुखमा मिठाराम अधिकारी र उपप्रमुखमा अनिता लामा निर्वाचित भएका हुन् । प्रमुख अधिकारीले १४ हजार २ सय ५० मत ल्याउँदै नेपाली काँग्रेसका विनोद चालिसेलाई पराजित गरे ।

चालिसेले ११ हजार ५ सय १२ मत प्राप्त गरे । उपाध्यक्षमा निर्वाचित लामाले १४ हजार ३ सय १४ मत ल्याउँदै प्रतिद्वन्द्वी काँग्रेसकी रमिला वाग्लेलाई पराजित गरिन् । उनले ११ हजार ९ सय ७२ मत प्राप्त गरेकी छन् ।