सर्वोच्च अदालतको फैसला स्वीकार्य हुन्छ : ईश्वर पोखरेल
योहो संवाददाता- today2021-02-23 09:05:21
काठमाडौँ – उपप्रधानमन्त्री ईश्वर पोखरेलले संसद विघटनविरुद्ध परेका रिटका मुद्दामा सर्वोच्च अदालतले जे फैसला गर्छ आफूहरूलाई स्वीकार हुने बताउनुभएको छ । ओली समूह निकट प्रेस संगठन चितवनले मंगलबार आयोजना गरेको पत्रकार सम्मेलनमा पोखरेलले अदालतको फैसला स्वीकार्ने बताउनुभएको छ ।
‘अदालत र निर्वाचन आयोग जस्ता संस्थाहरुले आफ्नो प्रक्रियाबाट गर्ने निर्णय मान्दैनौं भन्न मिल्दैन,’ उहाँले भन्नुभयो, ‘हामी शक्ति पृथकीकरणमा विश्वास गर्छौं र अदालतबाट हुने फैसला हामीलाई शिरोधार्य छ ।’
त्यस्तै पोखरेलले संसद विघटन असंवैधानिक नभएकाले अदालतबाट अन्यथा फैसला नआउने बताउनुभयो । प्रधानमन्त्री केपी शर्मा ओलीले नेतृत्व गरेको नेकपा बाहेक अरुले सूर्य चिह्न नपाउने पनि उहाँको दाबी छ ।
