किरण भुजेलको स्वरमा ‘ऐंसिलुको काँडा’ म्यूजिक भिडियो सार्वजनिक
योहो संवाददाता- today2021-04-04 05:26:14
काठमाडौँ – प्रवासमा बसेर नेपाली गीत संगीतलाई माया गर्ने तथा थुप्रै गीतहरुको रचना मार्फत राम्रो चर्चा कमाइसकेका गीतकार विश्व गौडेलको रचनामा ऐंसिलुको काँडा म्यूजिक भिडियो सार्वजनिक भएको छ ।
गीतमा नेपाल आईडल सिजन–३ मा तेश्रो स्थान हासिल गरेर थुप्रै गीतहरु मार्फत चर्चामा आईसकेका गायक किरण भुजेलको सुमधुर आवजले सजिएको गीतमा संगीतकार शंकर स्माईलीको संगीत रहेको छ भने संगीत संयोजन उदय राज पौडेलको रहेको छ ।
चर्चित मोडेल सुधीर श्रेष्ठ र ट्विन्स सिस्टर प्रिन्सा खतिवडा, प्रिज्मा खतिवडा, कोरियोग्राफर सुरेन्द्र बस्याल, डेमोन क्षेत्री, उषाको दमदार नृत्य र अभिनय रहेको छ ।
भिडियोमा सबै कलाकारहरुले पहिलो चोटि सहकार्य गरेको र काम गर्दा निकै नै रमाइलो र पारिवारिक वातावरण भएको बताए ।
बलापनको साथीलाई बर्षौपछि भेटदाको अनुभव र मायालाई व्यक्त गर्न खोजिएको भिडियोलाई यान कार्किले निर्देशन गरेका छन भने छांयाकन बुद्ध थापा सम्पादन बिष्णु खडकाको रहेको छ ।
ब्ल्याक ब्रोज इन्टर्टेन्ट्मेन्टको प्रस्तुतिमा रहेको भिडियोलाई यहि नाममा रहेको युट्युब च्यानल मार्फत सार्वजनिक गरिएको छ ।
