Breaking

दुई/चार आँप झर्‍यो भनेर तराईमा झूठो प्रचार गरियो : प्रधानमन्त्री ओली (भिडियोसहित)


काठमाडौँ – प्रधानमन्त्री केपी शर्मा ओलीले आफ्ना अभिव्यक्तिलाई बंग्याएर छुद्र राजनीतिक प्रचार गरिएको बताउनु भएको छ । प्रतिनिधिसभामा विश्वासको मत लिने प्रस्तावउपर उठेका प्रश्नको जवाफ दिने क्रममा प्रधानमन्त्री ओलीले झूठो राजनीति नगर्न र भ्रम नफिँजाउन आग्रह गरे ।

ओलीले आफ्ना अभिव्यक्तिलाई गलत ढंगले व्याख्या गरेर जनतालाई भ्रममा पार्न खोजिएको समेत बताउनुभयो । ‘अर्कै प्रसंगमा मैले केही आँप झरेर बोट खाली हुँदै भनेको थिएँ । मरेका शहीदलाई दुई/चार आँप झर्‍यो भन्यो भनेर तराईमा झूठो प्रचार गरियो । यस्तो छुद्र राजनीति नगरौं’, ओलीले प्रष्ट्याए ।

मधेस आन्दोलनलाई ‘माखे साङ्लो’ भनेको भनी जसपा अध्यक्ष उपेन्द्र यादवले लगाएको आरोपको ओलीले रोष्टमबाटै खण्डन गरे । ‘नेपालको राजनीति माखे साङ्लो जस्तो भयो भनेको थिएँ । मान्छेलाई माखा भन्यो भनेर हल्ला चलाइयो । मैले त्यतिबेलै स्पष्ट पारे । माखेसाङ्लो भनेको झिँगाको साङ्लो होइन । एक प्रकारको यन्त्र हो, त्यो जटिल हुन्छ’, ।