Breaking

तीन महिनादेखि थुनामा रहेको कुकुरले भेट्टायो मालिक


काठमाडौँ — तीन महिनादेखि डिभिजन वन कार्यालय मुगुको नियन्त्रणमा रहेको कुकुरले मालिक भेट्टाएको छ । गत चैत १४ मा घोरल चोरी सिकारीको आरोपमा मालिकसँगै कुकुरलाई प्रहरीले नियन्त्रणमा लिएको थियो । बुधबार कुकुरका मालिक च्याम्पा तामाङ सम्पर्कमा आएपछि वन कार्यालयले कुकुरलाई बिहीबार बिहान उनको जिम्मा लगाएको हो ।

मुगुको कार्मारोङ गाउँपालिका-१ चितैका च्याम्पा तामाङ, उनका छोरा दावाछोर्देन, टासी र छिमेक लामा पक्राउ परेका थिए । उनीहरुको साथमा कुकुर पनि थियो । जेठ १२ मा जिल्ला अदालतको आदेशबाट च्याम्पा र दावाछोर्देन ७० हजार रुपैयाँमा रिहा भएका थिए भने टासी र छिमेक साधारण तारेखमा छुटेका थिए ।

उनीहरु छुटे पनि कुकुरका विषयमा अदालतले केही नभनेपछि वन कार्यालयले कुकुरलाई थुनेर राखेको थियो । धरौटीमा छुटेका च्याम्पाले लिन नआएपछि कुकुर तीन महिनादेखि वन कार्यालयमै रहेको थियो । कुकुर डिभिजन वन कार्यालय मुगु