Breaking

काबुल तालिवानको कब्जामा : उद्दार गर्न नेपालीको गुहार, सरकारसँग विवरण नै छैन (भिडियोसहित)

नेपालीले राज्य छ भन्ने अनुभूति गर्न पाएनन्


काठमाडौँ – अफगानीस्तानको राजधानी नै विद्रोहिको कब्जामा पुग्ने अवस्था आएपछि सत्तारुढ दल नेपाली काँग्रेस र प्रमुख प्रतिपक्ष नेकपा एमालेका नेताहरुले त्यहाँ रहेका नेपालीहरुलाई तत्काल उद्धार गर्न सरकारको गम्भिर ध्यानाकर्षण गराएका छन् । अरु मुलुकले उद्धार गरिसक्दा समेत नेपालले कुनै पहल गर्न नसकेको भन्दै उनीहरुले सरकारको आलोचना गरे ।

सत्तारुढ दल नेपाली काँग्रेसका नेता रमेश लेखक र प्रमुख प्रतिपक्ष दल नेकपा एमालेका नेता डा. राजन भट्टराईले अतिवादी समूह तालिवानले अफगानिस्तानमा तनावग्रस्त बनाईरहेका बेला नेपाली नागरिकहरुको उद्धार गरी तत्काल स्वदेश फिर्ता गराउन गम्भिर भईदिन सरकारको ध्यानाकर्षण गराएका छन् । आईतबार काठमाडौँमा आयोजित साक्षात्कार कार्यक्रममा बोल्दै सत्तारुढ दल नेपाली काँग्रेस नेता एवम् पूर्वमन्त्री लेखकले नेपाली नागरिकहरुलाई सुरक्षित ढंगले स्वदेश फिर्ता गराउन जिम्मेवार भईदिन सरकारसँग आग्रह गरे ।

उहाँले अफगानिस्तानमा ठूलो संख्यामा नेपालीहरु रहेको उल्लेख गर्दै उनीहरुको जीवन सुरक्षा गर्न सरकारलाई संवेदनशील भईदिन पनि पटकपटक आग्रह गरे ।

प्रमुख प्रतिपक्ष दल नेकपा एमालेका विदेश विभाग प्रमुख डा. भट्टराईले अफगानिस्तानबाट ढिला नगरी नेपाली नागरिकको स्वेदश फिर्ता गराउने काममा लाग्न सरकारसँग माग गरे । उनले द्धन्द्ध र हिंसाको चपेटामा परेका आफना नागरिकको जीवन रक्षा गर्ने काममा सरकार जिम्मेवार हुनुपर्ने पनि बताए । परराष्ट्रवीद् समेत रहेका डा. भट्टराईले अफगानिस्तानमा हिंसा अन्त्य र छिटो शान्ति पुनर्वहालीको माग समेत गरे ।


उता, परराष्ट्रवीद् डा. निश्चलनाथ पाण्डेले पनि अफगानिस्तानमा रहेका नेपालीहरुको उद्धारमा ढिलाई नगर्न सरकारको ध्यानाकर्षण गराए । उनले अन्य देशका नागरिकलाई फिर्ता बोलाउन काम भईरहँदा पनि नेपाल सरकार त्यसमा संवेदनशील हुन नसकेको भन्दै असन्तुष्टि व्यक्त गर्नु भयो ।

परराष्ट्रवीद् पाण्डेले दक्षिण एशीयाली क्षेत्रीय सहयोग संगठन (सार्क)को सदस्य भएको नाताले नेपालको तर्फबाट प्रधानमन्त्री शेरबहादुर देउवाले अफगानिस्तानमा भएको हिंसा अन्त्यका लागि पहल गर्न ढिलाई गर्न नहुनेमा पनि जोड दिए । उनले सार्कले पनि सदस्य राष्ट्रहरुको शान्ति बहालीका लागि काम गर्नुपर्ने आवश्यक्ता औंल्याए ।